劉麗萍（Apple姐）前晚在長沙灣筵開20席，慶祝男友麥德羅61歲生日，好友劉少君與麥德羅胞弟麥德和也有出席。談到生日願望，麥德羅說：「希望社會安寧、社會快啲和諧、世界和平安居樂業，大家都多嘢做，唔使失業。其實我都有唔開心，呢五、六個月嘅騷冇咗一半，平均一個月都有十幾場，𠵱家冇咗一半，自己都有情緒病，成日會喊。我都經歷過六七暴動，當時自己7、8歲，拖住細路，踢到啲牛奶罐都驚會爆炸，係好驚嘅。」
麥德羅表示暫未需要看心理醫生，Apple姐卻爆男友因情緒不穩表現恐怖：「佢瞓瞓吓覺會打我，好似打仗咁。我哋喺香港出世，香港咁好係大家建立出嚟嘅，呢一代經歷咗好多考驗，到𠵱家算係咁。」
採訪：羅慧敏
攝影：沈健程