反送中運動6月爆發後，唔少香港人出街開飯前，都會先睇吓間餐廳係藍店定黃店。
收集港廢紙送越南再造
環保觸覺創辦人、早前喺荃灣馬灣選區高票連任嘅新民主同盟譚凱邦（Roy），最近進一步擴展黃色經濟圈，令香港人用廁紙時都可以揀「黃絲」廁紙嚟用。
話說阿Roy最近發現咗一間位於元朗、香港本土嘅「黃絲」回收公司，呢間公司喺香港收集廢紙後，即運往越南造成廁紙，可以賣返畀香港人用。阿Roy同八方講，留意到唔少馬灣街坊過去買廁紙時只能幫襯島內超巿，又或者山長水遠喺島外運返屋企，現時市面上八成廁紙更係大陸品牌。為咗令馬灣街坊可以喺生活上進一步脫離大陸，同時推動環保兼令黃絲老闆受惠，決定為馬灣街坊團購1,000條呢種「黃絲」廁紙。
阿Roy噚日喺fb出post，呼籲有興趣嘅馬灣街坊，填寫網上表格訂購： http://bit.ly/2t3loN5 ，又或者到佢議辦登記交錢，下個月6號就可以去佢議辦攞貨。佢話若果馬灣反應理想，就會進一步喺荃灣推動呢個「廁紙革命」，令荃灣街坊一齊受惠。