張文采結束十年主播生涯，休息大約三個星期後便會投入新工作，在一間醫療機構上班，張文采透露：「會做一啲網上醫療節目，會訪問吓啲醫生，另外司儀同公關工作都會有，算係一個新嘗試，我都好多謝新公司肯等我三個月。」張文采回憶當初讀畢珠海學院新聞及傳播文學士後入行只是偶然。她說：「其實真係冇諗過份工會做到十年，當年入行係偶然，讀完大學媽咪話梗係要做番media啦，於是寄信去唔同電視台，但全部都冇回音，最後亞視有回覆，但都係請主播，嗰時諗住入咗去先算，做咗幾個月之後遇上TVB挖角，咁就開始咗十年主播生涯。」
偶然令張文采當上了主播，2011年和羅鈞滿拍拖，卻在娛樂版中成為主角。二人最終分手收場，幸最後她遇到對的人，去年10月和任職消防員的男友結婚。重提舊事，張文采仍表示完全沒有想過會在娛樂版出現：「當時好唔開心，因為只係好單純覺得只係做傳媒，唔明點解做主播會出現喺娛樂版，但之後都明白，可能主播平時喺電視出現，都係靚靚咁坐喺度，大家唔認識會覺得好神秘，想有興趣知。」