麥長青（麥包）和金剛近年離開無綫向外闖，更在ViuTV拍檔主持旅遊節目《C9旅行團》，兩人勢要打入師奶市場爭做男神。兩人表示離巢後自由度比以前大，金剛更指收入比以前更多，還透露已儲定老婆本，準備與台灣女友梁云菲（Nana）結婚生小朋友。
早前麥長青和金剛接受本報專訪時，為爭奪男神寶座「冧師奶」，即場炮製涼拌青瓜，過程中，麥包似乎做得有板有眼，他之後笑說：「我一早打入師奶市場，我同金剛年齡層同喜好都有分別，佢潮我老土，加埋有唔同化學出現。」金剛透露在節目中與一班師奶團朝夕相對，更試過齊齊浸溫泉，他說：「一邊平均年齡50，另一邊20，所以真係好不得了，成件事老中青行埋一齊。」
「尺度大好多」
兩人與新公司合作大讚有新構思及新鮮感，麥包認為在舊公司工作多年，做事很有規範，但新公司則能靈活變通，金剛大表認同：「尺度大好多，我覺得綜藝好多嘢冇得綵排，『人生不用重來，表演不用綵排』，綜藝就係要自然，要大家睇得好笑，有啲嘢排唔到。溝通最緊要，如果我哋覺得麻麻哋喎，呢邊可以調整，會即刻改，自由度好大。」麥包笑說：「我講啲四平八穩說話，多謝舊公司訓練，現時空間大好多更加好，今次拍攝我哋好開心。」金剛即笑對方：「包叔叔你返唔到去㗎喇，你講啦！」
想結婚生仔
除了自由度大，收入亦比之前好，金剛自言雖然未算賺大錢，但已儲定老婆本。過往的浪子及花心形象深入民心，金剛直至近年被女友Nana收服變成暖男，他直言與對方在很多方面都「合嘴形」，幾乎沒有拗撬，他一臉認真說：「我想結婚生小朋友，每次見到我外甥都大個咗，錯過咗好多，自己現時40歲，（第時）小朋友20歲我都60歲啦，點同佢去夜總會呀，冇力喎。」
撰文：卓寶花
攝影：沈健程