燒烤釋出的二噁英，勁過催淚彈？政府慌你小商戶唔死，入冬涼浸浸打算圍爐BBQ的食客，還會幫襯燒烤專門店？羅致光烏鴉口一開，直接向餐飲業潑糞，這種豬頭，用來透爐都嫌柒，做炭精的資格都冇。
孖住政府扯謊，學四點鐘黑警，公僕高層搬龍門、踢假波已成常態，入境處加多一腳，刻意留難印傭Yuli，拘禁28日後驅逐出境，擺到明唔妥Yuli公餘時幫印尼網媒以相機紀錄自由之夏的抗爭。Yuli被逐，另一印尼女記者Veby被射盲右眼，直至今日警方仍未交代開槍警身份。X，黑警代號！將女學生頭頸當凳坐的黑口罩女警，又是另一個X。黨鐵站外推跌婆婆（婆婆壯過鄭弱驊，冇骨折更冇腦殘，唔使休養3至12個月）那個黑警，又又又係X。咁多X，難聽過粗口，難怪四成市民畀X零分！入境處泊埋毅進制，攞來衰。
問責局長冇個下台，陳帆最掂，一條友賺晒抗爭運動花紅，沙中線與紅磡站的失誤，成功卸膊。不禁令人思忖，中資買起的P字咖啡連鎖店因為一個伍黑心，商業對手被裝修得慘絕；同樣是外資的太古，國泰被整，旗下又一城重創，邊個日日叉住燒還神呢？