美樂士多的fb官網帖文，除了一般開門營業時間及食物推介，亦有附帶反送中文宣，例如區選前發帖呼籲港人投票，周日（1日）尖沙嘴鐘樓和平集會演變成警民衝突，Patrick又發文抒發感受，講述在星光大道戴「豬嘴」開店的感受，盛讚「香港人真的很勇敢」，成為不少巿民心目中的黃絲小店。
Patrick形容自己是一名「廢中和理非」，之前未有現身支持運動，直至200萬人上街後，才開始反思「點解會有咁多人支持？」之後亦有開始參與遊行集會。
區選反映真實民意
星光大道的分店，近月經常成為集會衝突的暴風眼之一，生意受到影響，但他仿效其他黃絲小店的措舉，免費送水予途經巿民，甚至在中大圍城事件中親自由馬鞍山踩單車運送物資入大學，他謙稱：「一支水，其實值啲咩錢呀，香港人從來未試過咁有心，我哋都係跟人去做，仿效人哋擺水畀人飲下。」
他認為，區選結果正好反映真實民意。「有句說話叫呢個係最好的時代，亦係最壞的時代，經過今次（運動），香港人認清咗自己身份，我好驕傲香港人可以好團結，呢件唔係壞事。」