黃宇詩2011年被爆與測量公司董事兼人夫Peter拍拖，雖然其後她澄清是Peter離婚之後才正式開始發展，不過她仍被指摘是第三者，更被Peter前妻上節目數臭。談到目前的感情狀況，黃宇詩說：「好開心，都係嗰個，最難捱已經過咗，我哋交往、相處好舒服，兩個人諗法同感情都一致，佢令我有好多正面嘅諗法，喺我鑽牛角尖嘅時候，佢會抽番我出嚟。」
不過黃宇詩指現時心態是不會結婚，她說：「暫時冇呢個需要，不過唔知將來會點，尤其呢個年代變化得咁大，會影響咗一啲諗法，唔知會唔會因為發生咗一啲嘢而影響一啲決定。其實朋友與朋友之間都係一樣，見得就見，珍惜呢刻有嘅嘢，做人好簡單。」