周柏豪與老婆Stephanie結婚三年，終於結束二人世界，展開三人新世界的生活。柏豪日前被《蘋果》爆料周一秘密當爸爸，他隨即於社交平台上載抱女相，分享做新手爸爸的喜悅。
太太秘密誕女，柏豪連日來到醫院陪伴，母女於昨日中午出院，柏豪先獨自步出見傳媒，一見大家便笑笑口合十打招呼，問到是否已習慣爸爸生活？柏豪笑笑口未有回應，至於有否親自為囡囡換尿片？他就一面自豪地說：「換咗三次，好成功，舒服嘅。」他表示囡囡仍未改名，要回家再想想：「要問吓啲長輩先，乳名都未有呀，都係叫『囡囡』。」柏豪表示很快復工，笑言要努力賺奶粉錢：「之前成個星期都喺醫院陪佢哋，雖然有sponsor，但係都要賺嘅。」又指太太身體好好。
嫲嫲照顧
訪問後，Stephanie由柏豪媽媽陪同下離開醫院，戴着冷帽及穿上大褸防止入風的她，未有抱着用被仔包到實的囡囡，而是交由柏豪媽媽代勞，柏豪就等媽媽、老婆及囡囡上車安頓之後，最後再度雙手合十向傳媒說：「辛苦晒。」然後坐車離去。
採訪：盧妹
攝影：沈健程