琦琦、傅明憲、李明慧及王賢誌等，昨晚在中環出席楊茹庭（Sean）開設的鮑魚專賣店開幕禮。琦琦女兒任晴佳平安夜生日，她表示一家人將去滑雪過聖誕，順道慶祝：「不過華哥（任達華）唔太鍾意滑雪，怕整親會影響康復進度。」女兒生日後踏入15歲，步入少女時期，問琦琦會否擔心女兒拍拖？她即抗拒表示：「唔好提呢啲，佢好乖、好純品，唔好講呢個話題。」
再次榮升老闆的Sean中文名改為楊茹庭，她笑謂：「亭亭玉立呀嘛，其實係爸爸識咗個師傅，覺得我改名會好啲，改咗七、八個月，開心咗同埋做嘢都順利咗，全部證件改晒呢個名。」Sean與新歡Bella蜜運中，她透露感情生活開心，稍後聖誕會與Bella到日本旅行過二人世界。會否再婚？Sean坦言暫時不會考慮。
採訪：盧妹
攝影：沈健程