旅客熱點尖沙嘴有不少食肆生意重創，有火鍋店負責人稱自6月下旬，每月營業額大跌近五成，批評政府不懂從善如流，導致現時局面，他與夥伴想盡方法破釜沉舟：「如果我要死於政府呢啲制度之下，我覺得唔甘心。」又聘請衝衝子在店內兼職，表示會支持他們繼續抗爭。另一家日式食肆生意額大跌三成，負責人無奈稱：「最差嘅時間係連翻枱嘅機會都冇。」但兩名負責人都稱表態支持運動後，獲不少食客專程來支持，生意有所提升。
位於寶勒巷的火鍋店負責人威哥指，以往每月營業額約100萬元，惟6月爆發反送中運動後，營業額插水式下降50萬元，試過一日只做幾千元生意。但生意夥伴沒因此怪責示威遊行，「冇生意呀？諗辦法囉，香港人個個都係咁㗎啦」。他們雖透過網上宣傳推出各種折扣吸客，惟生意於8月底仍無大起色。
「你有冇諗過做飲食，有一日會為咗呢啲事而表態？」威哥指餐廳從未表明政治立場，直至8.31在電視看到警方無差別襲擊市民，一眾夥伴均感氣憤難平，決定在facebook表態響應9.2罷市活動，10.1又推出穿黑衣半價優惠、捐款予星火同盟等。
表態後，有顧客專程從元朗駕車來光顧，「有啲人話第一次特登嚟支持你哋，聽到呢啲說話真係超級窩心」。該店營業額開始回升三成，雖然收入並未回本，但威哥率先回饋，包括派發飯券及聘請「衝衝子」，希望能盡力支持社運
甜品店為港打氣吸人氣
另一間尖沙嘴日式食肆負責人Kimmy說，去年9月在赫德道與朋友合資創業，大半年來生意漸穩定，惟至6月下旬生意大跌三成，「最差嘅時間係連返枱嘅機會都冇」。她形容連月來損失如陷無底深潭，一度考慮結業。
除了食客減少，受港鐵經常突然封站影響，Kimmy多次擔心員工無法回家，寧願提早關門，直言連店內員工穿黑衣上班，都會多問兩句，「尤其是女仔，我就驚啦」。有時該區遊行期間有警察在附近，她們也會特別緊張。Kimmy稱林鄭有心拖延，致社會如此撕裂，「幾個月前可以做（撤回），點解𠵱家先做？」
該店主打日式甜品，昔日不少食客都愛在店內拍攝食物打卡，近月客人用餐，卻笑容欠奉，氣氛沉重，「我好想佢哋食呢短短一餐，可以笑一笑」，於是在食品印上「香港加油」等字樣，「真係有客一見到會話好warm（溫暖）。」Kimmy無預計一個小小舉動竟令該店突然受關注，人流回升，她深信港人的適應力和團結會幫助香港復原，冀與港人一同加油。
■記者龔蕙芝、盧藹雯