才子陶傑近日執導筒，拍攝一套片長40分鐘、戲名《香港》的短片，故事分六個獨立故事，以香港18區命名，包括銅鑼灣、炮台山、天后、西環河及金鐘等。
陶傑前日接受《蘋果》電話訪問時透露，故事於去年構思及拍攝，他說︰「短片有冇寓意就自己睇啦，我哋娛樂性啫，講香港人古仔。有六個古仔，都係講𠵱家香港人嘅貼身事，好似香港人嘅情緒同憂慮。」陶傑笑言《香港》不會像《十年》般有「預言」成份，他說︰「唔係《十年》，《十年》都後生仔做，我哋係唔會重複，套片亦唔係政治，係同政治冇關。今次搵咗盧覓雪、林作、胡琳、倪秉郎一班好戲之人幫手。」他強調電影的品種就單純是電影，並不是評論亦不是專欄。
採訪：李森