【素人空降】
【本報訊】今屆區議會選舉落幕，當中獲網民高度關注且紅到日本、獲封「港版綾瀨遙」的梁凱晴當選觀塘月華選區區議員。手足都替她開心，她卻說對當選未有特別高興，「今次係由運動促成，難聽啲講自己覺得（勝出）真係有少少人血饅頭」，希望與今屆勝出的民主派素人互勉，「要時時刻刻警惕住自己係背負住抗爭者嘅自由同犧牲」，不要以為區議會選舉大勝而感到自滿。
記者：張文鈴
現年25歲的梁凱晴原本打算以義工身份助選，但無心插柳下成參選人，並空降向來被視為「藍區」的觀塘區，「當時淨係諗啲細路出嚟犧牲，自己感覺唔好受，我係大人應該做得更加多，唔可以行到最前做勇武，咁可以係另一個身份去幫佢哋」。
「覺得有少少人血饅頭」
參選期間，梁凱晴經歷遇襲、言語侮辱和威嚇，仍無懼繼續參選，最終以412票之差擊敗當區任職12年的建制派徐海山。她形容，這場區議會選舉是反送中逆權運動的支線，「有啲人仲相信選舉就係用選票表達畀政府聽對建制派不滿，可能有一個人出嚟畀佢哋揀都唔會投建制，所以唔係我哋素人做幾個月深受感動而投我」。
她稱沒有因當選而感到很高興，心知今次選舉結果非單靠過去五個多月的地區工作，是僥倖也是社會大環境，「今次（結果）係由（反送中）運動促成，難聽啲講自己覺得真係有少少人血饅頭，所以冇話特別去開心，覺得贏咗反而喺後面背負好多好多嘅嘢」。回想參選初期選情並不看好，甚至有人認為是炮灰，她說：「唔係因為輸就唔去做，係你去做先見到個希望，其實好似場運動咪話有希望先至出嚟抗爭，係你要去創造一啲奇蹟，盡力去做，因為你唔會知道或預測個結果，好似（區議會）民主派大勝都冇諗過咁誇張。」
誓查警暴 阻小白象工程
記者與梁凱晴上周在月華街遊樂場做訪問，當日當區不少街坊都認得她，互相打招呼，甚至與她握手，「其實呢區多老人家，老人家比較念舊，可能會掛住同支持舊個區議員，我作為新人係比較難打入佢哋嘅心」。
面對這個挑戰預料需花更多心思和時間，希望未來得到法團支持做洗樓工作，爭取更多居民支持。她又提到公園鼠患問題嚴重，「有街坊話佢喺度住咗30幾年情況都冇改善，但係咪30幾年嚟區議員冇做過嘢，可能個問題唔係齋喺公園，而係對面有個街市可能引到啲老鼠，有啲地區性問題唔係四年就可以解決」。語畢，記者見到一隻老鼠在附近跑過，被嚇得雞皮疙瘩。
面對未來四年的區議會工作，她表明不只要對支持者交代，亦要對手足有交代，「佢哋付出好多先促成今次大勝」，希望將獨立調查委員會和警暴問題加入新一屆區議會議程，藉以向政府施壓，同時阻止5,000萬元海濱音樂噴泉小白象工程。她希望與一眾民主派素人互勉，「要時時刻刻警惕住自己係背負住抗爭者嘅自由同犧牲……希望大家唔好自滿，亦唔好唔理區務」。