【本報訊】梁凱晴參選前從事會計工作兩年，當選後正猶豫會否辭職，「仲差一年會計經驗就可以湊夠做會計師，個人意願就唔想喺今年辭職，𠵱家糾結緊」。她說會計工作非常忙碌，未來要視乎區議會工作，「睇吓有冇義工或者團隊支持」。
「高攀唔起綾瀨遙」
梁凱晴現職會計師樓屬「Big 4」之一，民建聯主席李慧琼正是其公司的總監，早前會計界聯署止暴制亂聲明，「勁多partner喺度聯署咗，所以大抵都知道公司係藍嘅，始終好多大陸生意」。不過，她當選後未有與公司商討工作安排，「𠵱家仲放緊study leave（學習休假），所以冇同公司討論，等考完試放完假返去再同HR（人事部）傾吓，睇吓有冇乜嘢conflict of interest（利益衝突），可能佢都唔畀我繼續做」。
憑甜美外表受到日本網民大讚，並封梁凱晴為「港版綾瀨遙」。她靦腆地說：「完全高攀唔起呢個稱呼，太抬舉我喇。」自從被冠上這個稱呼，她走在街上也多了很多注目，令她感到不好意思。她認為，只是較少女性從政，令大家感覺很特別，又形容自己「係一個好普通外貌嘅女仔，比較摺同靜」。但梁凱晴認同這稱呼令她增加知名度，在地區工作宣傳可能有幫助，惟希望大家將注意力放在其社區和議會工作。
■記者張文鈴