汪明荃（阿姐）和梁兆明昨日到將軍澳錄影粵劇折子戲《德齡與慈禧之母子反目》，對於黎小田（Michael）日前因病離世，阿姐表示當年在華星年代出碟時，曾與黎小田合作，她讚對方作品別具一格，兩人亦有在節目《名曲滿天星》中合作，阿姐說：「佢真係獨具慧眼，捧紅唔少巨星。我知佢病咗後，都託薛家燕問候佢，本身話佢冇乜事只係休息，所以對佢離開都覺得好惋惜。」
另外，蔣嘉瑩前晚出席歌迷見面會時，提到當年入行獲黎小田提攜，她忍着淚說：「收到消息好唔開心，前幾日都有心理準備，咁啱我嫲嫲過身，唔方便去探Michael。我16歲出道時已認識Michael，佢有教我唱歌，話畀我聽娛樂圈係點，佢係我恩師，會懷念佢。」採訪：張明