黎耀祥參演的大陸劇，近日在TVB播出，據說他表現不錯，演活了那個雙面太監的角色，但此劇首周收視只得17.8點，慘不忍睹。我很久沒看電視，播什麼劇與我無關，但偶然看到黎耀祥最近一篇訪問，就覺得十分有趣。標題引述黎視帝大義凜然地說：「經常鬧TVB的人，我覺得沒有良心。」我也不時罵TVB，一見此語，立即睜開金睛火眼，想知道自己為什麼沒良心。
訪問片段中，黎耀祥一臉尖酸刻薄八婆表情，甚富太監氣質，只見他連珠炮發地說：「你細個睇唔睇電視吖？我真係唔信你細個冇睇過電視！今時今日大個喇巴閉嘞，讀咗書嘞，知識分子嘞，搵到錢嘞，中產嘞，飲杯咖啡睇法國電影嘞，咁你就話呢啲劇『膠』喎！關你咩事啫？你都唔睇㗎啦。咁你話『膠』我又唔覺喎。」
黎視帝似乎假裝不知道，今天群起杯葛TVB的人，不是因為「膠劇」，而是因為它新聞報導偏頗，電視台已淪為中共文宣機器。假如今天奶粉有毒，有人因此批評奶粉公司，黎耀祥是否又會說：「經常罵奶粉的人，我覺得沒有良心。你細個飲唔飲奶粉吖？我真係唔信你細個冇飲過奶粉！」
無可否認，TVB的確曾經為香港人提供很多娛樂，尤其是在上世紀最後三十年。但那已是上世紀了。黎視帝覺得香港人應該對TVB感恩，這確實是不折不扣的太監式思維。為什麼？TVB不是慈善機構，它娛樂大眾，純屬商業服務，並非無私奉獻。觀眾是顧客，沒必要聲淚俱下感恩TVB，反而是TVB才需要多謝觀眾支持。TVB最後一個太監想謝主隆恩，自己跪就夠了，請勿以為香港人都是他的同行。
最後奉送彩蛋一枚。1999年黎耀祥曾接受親子媒體《今日兒童》訪問，標題是〈黎耀祥關懷仔仔靠傾訴〉，當時還未做公公的黎耀祥說：「我唔係咁鍾意畀個仔睇電視，一來依家的電視節目唔適合小朋友睇，加上電視有輻射，對眼睛唔好，所以我主張多些同小朋友玩，去取替佢睇電視的時間。」吃電視的飯，還砸電視的鍋，真有良心。