李雨陽2003年出道拍偶像劇《當四葉草碰上劍尖時》，長髮造型演富家公子討好，迷倒不少女生，可是後勁不繼，他自我安慰：「我幾有香港人優點，馬死落地行，因為曾經經歷過自己人生高峯，拍完第一套電視劇《四葉草》出嚟效果非常好，由一個死𡃁仔乜都唔識，突然間行出街前呼後擁。當時後生調節唔到，成日抱住僥倖心態，𠵱家唔得下個月會得，慢慢開始信用卡欠債，着衫又唔可以冇牌子，會用另外一啲嘢去包裝自己，入不敷支情況下債台高築。」
最現實「窮」字，令李雨陽放下身段，做過售貨員、賣雞、馬會電話投注，他對做馬會投注時的對白記憶猶新，其間他轉投王維基旗下HKTV做包薪演員，有穩定糧單就去財務公司債冚債，他說：「當時窮得一日食一餐，最窮時唔出街就唔使用錢。」後來到內地工作後生活開始解困，改善生活後還儲到一筆錢結婚成家。