【本報訊】冬天容易手凍腳凍，成晚瞓唔着點算好？中大精神科學系榮譽臨床助理教授林少萍表示，環境的溫度都會影響睡眠，包括房間太凍或太焗熱，都會令人難以入睡或中途醒來，尤其是本身受失眠問題困擾的人，會對溫度變化特別敏感，有機會影響睡眠質素。
林少萍指，市民想較易入眠，入睡時身體的核心體溫需要稍為降低，建議睡前可沖個暖水涼，令身體變得溫暖，幫助皮下血管擴張及散熱，藉此幫助入睡。對於腳部容易凍的人，沖暖水涼後，可抹乾雙腳再穿襪子保暖；在腳部附近放暖水袋、暖氈也可以。同時要留意暖氈的使用情況，例如使用時間太長或溫度過高，都有機會令人熱醒，阻礙睡眠質素。另要留意其他會影響睡意的事，如睡前玩手機尤其打機、觀看內容刺激的電影或短片；在睡床上工作、夜晚飲咖啡等亦最好避免。
■記者梁麗兒
想輕輕鬆鬆健康啲，記住留意健康蘋台
http://health.appledaily.com.hk/