鄧小巧前晚在旺角出動防暴警察的情況下，如期在麥花臣場館舉行音樂會，鄭欣宜、許廷鏗等捧場。小巧在台上感觸分享，流淚表示今年做音樂會比想像中困難：「多謝觀眾喺咁嘅時勢、咁嘅心情下仍願意嚟聽我唱歌，我哋有擔心過會唔會取消，同事幫我重拾心情。」
藍奕邦擔任表演嘉賓，他在台上突然笑問觀眾：「你哋覺唔覺得間中出街有陣臭彈味？」小巧即扯開話題，指自己家附近有牛屎味。他感激鄧小巧不離不棄：「我病咗四年佢用歌養我，成日諗住我個加拿大戶籍，不如我哋假結婚啦！」二人隨即擁抱，藍奕邦笑言相片將來見移民官時作證據。臨完騷時，小巧寄望香港能建立烏托邦，祝大家回家路上小心，觀眾立即在場大叫「光復香港，時代革命」等口號。
採訪：王連連
攝影：仇志德