花絮：日本車迷

噚日有唔少日本車迷嚟香港撐場，更手持日本國旗同紙扇，一眾日本車迷亦不枉此行，有三名車手獲得獎牌，分別係深谷知廣得男子爭先賽銅牌、瑇原悠未得女子全能賽冠軍同埋小林優香奪得女子凱林賽銅牌。

師兄駕到

賽事休息嗰陣會播出由香港名將黃金寶出演嘅宣傳片段，噚日黃金寶同前單車總會會長胡曉明亦有親身到場睇比賽，車迷除咗捕捉場上飛馳嘅單車選手外，都唔好錯過場邊嘅集郵機會。

香港加油

今站賽事最後一日入場人數達到高峯，大約可容納2,000人嘅香港單車館近乎座無虛席，作為主場車迷嘅香港人當然配備區旗為港隊打氣，更有車迷喺區旗旁配上「香港加油」嘅抗爭標語，相信想為場內外嘅港人打氣。