【本報訊】對警暴忍無可忍的香港人，以選票怒摑當權者一巴，但區選一場大勝無助緩解各人對警察的憤怒，昨日「毋忘初心大遊行」的「初心」原意是爭取五大訴求，但上街者明顯對警察心生不忿，口號一面倒針對警察，甚至以警察曾用來揶揄示威者的言辭作反諷。
詢問「食咗海底撈未？」
遊行參與者未見「民意逆轉」或區選結束而有所減退，現場呼叫的口號幾乎一面倒針對警察，除了耳熟能詳的「解散警隊，刻不容緩」及「好人唔當差，當差正X街」，由於防暴警察早已進佔及封鎖遊行路線所有行人天橋作制高點，遊行者從橋下向天橋直罵警察「強姦犯、殺人犯」，又以「毅進仔，執石仔」諷刺他們清理路障。
部份防暴警察明顯自控力較低，個別警察不甘示弱，喝罵遊行人士「行啦、走啦」，結果自取其辱，遊行人士邊示意隊伍一直未見龍尾，然後大聲質問「阿sir民意逆轉未呀？」亦有人在旁追問「你哋啲民意呢？」
早前理大圍城戰中，有警員以大聲公對學生「曉以大義」：「你就食生命麵包，我就上深圳食海底撈！」昨日亦有市民借題發揮，故意走近警方防線，再非常有禮地詢問警員「食咗海底撈未？」結果後者無奈地轉身走開。
■記者歐陽聯發、黃頌恩