【本報訊】上月有交通警員在葵芳以電單車衝向人群，被警隊勒令即時休假接受調查，但有報道指該名警員已復工。警務處處長鄧炳強稱，事件仍調查中，但沒有否認涉事警員已復工，「調查緊唔代表同事唔可以去執行職務」。被問及涉事警員已復工，會否令市民覺得是放縱該警員，「當然唔存在放縱問題啦，我哋嘅調查係嚴肅嘅」。
警隊在警民衝突中多番阻撓甚至襲擊傳媒，他辯稱，警務人員在現場面對生命危險，需要有安全距離。他更把個別警務人員遇襲事件歸咎傳媒，「其實我哋不嬲好尊重記者採訪嘅自由嘅，過去幾個月入面，我哋盡量去做到呢樣嘢，但係個情況大家都明白到，或者有個最簡單嘅例子，我哋有一個同事就係喺一班記者簇擁住，喺零距離嘅情況底下就俾一啲歹徒有機可乘，喺後面攞把𠝹刀𠝹落條頸度，幾乎係致命嘅……咁所以有時要用適當嘅武力，保持一個安全距離。」
射擊記者 「些少躁動可理解」
對於商台記者上月中被防暴警察近距離發射海綿彈襲擊，鄧炳強辯稱，其同袍「有時做嘢比較緊張，或者為咗自己安全有些少躁動，咁呢個係可以理解嘅」，又批評現場「小部份記者」因現場氣氛而緊張，希望大家互相理解。
■記者譚靜雯