趣趣地:恒大八奪中超冠軍

趣趣地:恒大八奪中超冠軍

周日中超煞科戰,廣州恒大喺主場以3:0輕取上海申花,重奪今季中超冠軍。賽前恒大同第2位嘅北京國安相差2分,今場只要贏波就奪冠,結果開波兩分鐘就有巴西中場塔利斯卡射中柱,隨後繼續強攻,去到上半場補時階段終於靠韋世豪先開紀錄;到下半場再憑樸志洙同艾克森各入一球,最終恒大贏3:0,勇奪隊史第八座中超冠軍。至於國安就喺先落後兩球下,憑巴西中場奧古斯圖2傳1射連追3球反勝,但都只能夠飲恨做亞軍。