黃埔西區鄺葆賢今屆成功連任，由新丁變成連任區議員，她直言地區服務十分重要，「我就做齊人哋有嘅嘢」，蛇齋餅糭不能少之外，還要對街坊有心，「接觸耐咗，佢哋會有感覺」，也不能只講民主理念，忽略關心街坊日常需要，「選咗之後，係一個責任，一個好重既責任，你去fulfill咗先，再去做自己想做嘅嘢」。
鄺葆賢議辦是「飛地」，因為黃埔區內租金太貴，她為新丁提供找議辦的貼士：先找當區街坊式小型地產公司經紀，因為對方比較熟悉人流分佈；不要找商場舖，因大部份商場晚上拉閘，欠缺彈性。新任議員開設辦事處津貼今年增至12萬元，每月另有實報實銷津貼營運開支，鄺提醒津貼物資要有清單，因為民政處每年都會派人檢查。
處理完議辦開設工作，就要考慮想推展甚麼服務。鄺葆賢答得爽快，「我就做齊人哋有嘅嘢，影學生相、食蛇、旅行、派糭、派餅」。「人哋」指建制派？「係，要觀察上一手做咗啲乜，因為我始終係半途出家，人哋可能做社區主任」，她是年輕素人，但對蛇齋餅糭沒有包袱，「只係一種手段，去認識啲街坊。有啲老人家，真係覺得用旅遊巴車佢去玩，會方便啲」，「以往建制派用蛇齋餅糭箍老人家票，其餘乜都唔理，咁就唔得囉，最重要係點傳遞訊息」。
「最重要係人與人之間接觸」
鄺葆賢的旅行團，不會出現六七架大巴，旅行地點只有香港歷史。她說每次都會跟車，與街坊面對面交談，講香港社會事；鄺葆賢的派糭，不是來自連鎖店，而是街坊參與一齊包，數量有限，不像建制派海量供應。
九龍城是建制深紅區，建制衞星組織甚多，派了多年蛇齋餅糭。鄺葆賢記得，議辦當初運作時，不少街坊一上門便拿着身份證，或在WhatsApp發出身份證，「失晒控，佢哋對個人資料保障完全冇概念」，「要嚇佢哋你咁樣俾人拎你啲資料去借錢，佢哋先知驚」，促成她後來開手機班，教長者保護個人資訊。
「區議會最重要係人與人之間嘅接觸，要傳遞一啲資訊，首先要佢信任你」，回想最初當選時，處處碰壁，有屋苑覺得她量血壓「太政治化」拒絕，亦有人覺得年輕人專門搞事、不認真，但只要建立關係，「接觸耐咗，佢哋會有感覺」，例如之前有藍絲老屈她跳閘，街坊會替鄺葆賢平反。
鄺葆賢坦言四年時間過得很快，頭一年讓街坊知道她議辦位置，懂得找上門，已是成就解鎖，「大部份時間，未必係選時最想做嘅嘢。選咗之後，係一個責任，一個好重嘅責任，你去fulfill咗先，再去做自己想做嘅嘢」。「如果選咗出嚟淨係宣傳理念，人哋會唔會聽入耳呢？我屋企漏水漏到鋼筋都出埋嚟，你都冇辦法幫我解決。你唔做，總有人會做」。她和徐子見一樣，花四年時間深耕，希望證明素人可以成功，亦怕做得不好，終有一日會被市民踢走，一句「換咗人都唔好嘅！」不會再有人信後生仔可以認真做議員。