《返校》大前日香港上優先場，《蘋果》走訪觀眾，問電影是否值得一看、以及會否擔心香港人被噤聲？
採訪：張明
攝影：陳慧安
周小姐：
齣戲好恐怖，睇完心情沉重，鬼同埋白色恐怖都係恐怖，但係層次唔同。鬼係畫面上，白色恐怖係心情上、個腦思考上嘅恐怖、諗到失去自由。香港嘅狀況未去到戲中咁樣，所以要珍惜𠵱家嘅自由。
蔡小姐：
齣戲係恐怖，白色恐怖比鬼更恐怖，知道齣戲係講台灣過往歷史，會擔心香港將來。
林小姐：
覺得OK，唔係咁恐怖，預咗佢唔係恐怖片嘅感覺，佢表現嘅白色恐怖，同我想像中唔一樣，但一定係𠵱家香港嘅狀況，好似畫公仔畫出腸，同埋香港𠵱家已經噤緊聲。」
陳先生：
戲裏面嘅白色恐怖，𠵱家睇到別有一番滋味，就算唔睇套戲，都擔心香港前途，不過，台灣𠵱家都幾好。
羅先生：
唔算恐怖，但貼近香港狀況，大家都好擔心香港前途，擔心未來被噤聲，所以覺得我哋先要爭取，大家爭取過先至知道重要。