男團MIRROR相當強勢，成員姜濤與組合分別晉身「叱咤樂壇我最喜愛的男歌手及組合」最後五強，昨日姜濤和隊友Tiger、Lokman、Ian與Jer到商台受訪，提到能夠入圍最喜愛男歌手，姜濤說：「真係好開心，因為冇諗過自己或者團隊可以入到圍。」問到有信心奪獎嗎？姜濤說：「希望越大可能失望越大，咁不如順其自然啦！畢竟係新人，喺呢一年已經好好，入到圍都已經算攞咗獎。」問可有向家人拉票？他笑說：「佢哋想投，不過投投吓話唔識，又話咁煩㗎，咁我就話由佢啦，少佢一票唔緊要。」
對於MIRROR入圍，Lokman說：「 其實今年同上年好唔同，上年好似我哋係買飛入場睇嘅觀眾，今年大家都覺得參與度高咗，好似真係關自己事，所以心情雀躍多少少。」
採訪、攝影：羅慧敏