【本報訊】9.21晚上，大批市民到港鐵太子站出口悼念8.31「死者」，及後演變成警民衝突。其間有站在人群中的廚師疑高呼「黑警死全家」，惹來大批警員衝向他並將他拘捕。港台拍攝的片段顯示，明明是該名警長突然衝前，搶去被告頭上的帽，並猛烈襲擊廚師，廚師事後反被控襲警。案件至昨日第四次提訊，控方終肯撤控。廚師重獲自由身後直指警方「老屈」：「如果警察告得入，就真係無法無天。」但他不打算控告警方，因「全家都係藍」，無奈說：「對唔住呀，手足。我真係唔夠膽。」
記者：廖希呈
任職廚師的被告陳耀鈞（54歲）原被控當晚襲擊警署警長52265白皞，主任裁判官羅德泉昨同時下令，控方須向被告賠償訟費。陳昨晚接受本報記者訪問，指當晚與兒子在太子站附近吃完晚飯後，隻身走到港鐵站外擺放鮮花以悼念8.31事件。他及後走到弼街附近，看見多人聚集，「諗住食吓花生噓吓佢（警察）」，但警署警長白皞突然指着他並衝向他，電光火石之間他決定不離開，因「走就一定俾佢扑㗎啦」。
未擬反告警方︰對唔住手足
他被警方制服期間，曾大呼：「阿sir借個擋箭牌嚟擋住個樣呀」。陳解釋，當時想起警方曾於記者會說過「有需要就遮住啲人」，他決定測試一下，怎料警員嘲諷他「遮咩呀遮，自己做錯嘢怕醜呀」。陳昨直言：「咁得啦，成段片畀人睇吓你差佬係唔公道嘅。」他被帶回警署後，遭扣留48小時，其間白皞更恐嚇「玩硬你」。白皞及後錄取證人供詞時仍揚言，是陳先襲擊他。
自9月首次提訊後，陳須遵守諸多嚴苛保釋條件，為生活帶來不便及限制，例如他原打算回內地補牙，但因被禁離港而告吹，直至昨日撤控後才獲准離港。他亦須每周去警署報到，「𠵱個就真係壓力大喇」，他曾差點忘記報到，有次在餐廳突然醒起，即扔下手頭工作奔往警署。他透露保釋期間亦有參與示威遊行，「有次仲俾一班速龍追」，但始終背負被檢控的心理壓力，故「唔敢行到咁前」。
陳表示，多得港台的片段還他清白，「警察告得入，就真係無法無天」。他揚言不會放棄抗爭，「反正我唔係衝衝子」，但又謂暫時「唔敢再發夢」。被問到會否向警方提出民事索償，陳搖頭指此舉變相要納稅人賠償，「對唔住呀，手足」。
陳又指，代表他的大狀郭憬憲曾建議他向警方提私人檢控，惟他拒絕，「我全家都係藍，如果私人刑事訴訟，我就成為成個運動中第一個咁做嘅人，咁我會紅過黃之鋒」。
案件編號：WKCC3721/19