主場球迷愛隊心切，有時真係無所不用其極。周四歐霸盃J組小組賽，意甲羅馬作客以3:0擊敗巴沙克舒希嘅賽事，今場交出兩次助攻嘅首都狼中場羅倫素柏歷堅尼喺下半場54分鐘準備開角球嗰陣，就被主隊球迷用銀仔掟中個頭，當場血流披面。當時球證即刻暫停比賽，等柏歷堅尼喺場邊包紮完先入番場比賽，好在羅馬最終都順利贏波，攞番出線主導權。