鄭錦昌憑一曲《唐山大兄》紅遍東南亞，他的另一首代表作是在1974年，為麗的電視播放的《幪面超人》唱中文版主題曲，其中一句日文歌詞「蛇麻lu，short㗎！」風靡全港兒童及青少年。不過這首歌曲，很多人一直不知是鄭錦昌所唱，原來鄭錦昌當年要保持「低調」。
鄭錦昌生前接受訪問解釋：「當年我簽咗畀無綫做合約歌星，但麗的好想我幫佢哋唱《幪面超人》中文版主題曲，於是諗到條橋，就係我照幫佢哋唱，但唔出我個名，無綫聽到首歌都有追問，我猛話唱嗰個唔係我囉！我唔認，佢哋都冇法子㗎！」麗的於1974年播放《幪面超人》，隨即掀起大熱潮，可惜當年有兩個小朋友疑模仿主角必殺技從5樓墮下，造成一死一重傷，令《幪面超人》一度被指教壞小朋友被迫停播。
撰文：翁可人