填詞人潘源良及太太Rita前晚到灣仔會展，出席香港作曲家及作詞家協會（CASH）周年晚宴暨金帆音樂頒獎典禮，二人十指緊扣現身，恩愛非常，同場還有陳潔靈、何婉盈、尹光及林愷鈴等。
社會氣氛難填詞
潘源良獲大會頒發音樂成就大獎，受訪時他笑謂只填了約1,000首歌詞，產量不多。問到他認為哪首是其代表作？潘源良表示會隨心情改變：「成日都唔同㗎，今日份場刊有list咗啲歌出嚟，太太就應該最鍾意達明一派嗰啲。」他透露有儲起不少手稿，但很少重溫，不過早前就有為香港流行文化展捐出幾份手稿作展出。
至於會否再開作品騷？潘源良說：「𠵱家紅館幾時開幾時閂都唔知，睇吓有冇主辦搵啦。如果有人搵，我都好樂意做，始終香港樂壇畀咗咁多嘢我，如果大家一齊去玩，都好值得嘅。」他表示對填詞仍然有興趣，但現時社會氣氛，無論創作上還是製作上，仍要等待更好的時機。他又不認同近年的香港樂壇比以前差很多，他指不少年輕音樂人、歌手的創作亦很受歡迎，他說：「𠵱家好全能，自己可以彈、可以寫、可以唱，未必一定要我哋。我哋做聽眾，畀多啲時間佢哋，邊個特別欣賞就唔講啦，怕自己掛一漏萬。」潘源良囑咐大家加油，希望各行各業的新人都能做到成績。
林愷鈴自薦寫歌
另外，龔慈恩女兒林愷鈴與蔡瀚億（BabyJohn）擔任頒獎嘉賓，首次頒獎的林愷鈴直言很緊張，因此在家中練習了很多次。自小已接觸音樂的她，希望可以向音樂方面發展，私下亦有寫歌，她說：「寫咗十幾首歌，都有畀前輩聽，佢哋有畀啲好實際嘅意見。」林愷鈴透露曾為兩個有份拍攝的廣告寫背景音樂：「都有少少自薦，睇到個音樂同演出配合埋，真係好有成功感。錢我就真係唔清楚，不過新人可以同咁多專業嘅人合作，已經賺咗。」
採訪：盧妹
攝影：沈健程