區選七字頭雙位數投票率，可以講幾耐？
三年前的立法會選舉，我吼準時辰投票，排隊一小時。今次鄰居晨早出動，報料說她排了個半鐘。我們午飯後近一點，人龍好似短了些但排了一個小時四十五分鐘。蛇齋餅粽冇份，自己做了蛇餅。這個歷史紀錄，我唔恨，希望明年立法會再來贏開巷，要排三小時四十五分鐘，又點話。
將軍澳尚德選區，愈夜愈長龍，當選的李嘉睿得票5585。榮登當區市民心中的票王。人心不死，慈悲不滅，殘害年輕人的政權和它們的附屬品，再登多少頭版廣告、再派多少福袋掌心雷、再搵多少明黑超、實白衫者傍實，都一樣仆街！已完！
今屆區選的年輕參選人，街坊街里肯做嘢，參照四年前突圍的傘兵，全部成功連任，一舉踢走扮黃的扯皮條。助攻功臣，是PK鄧和「放棄年輕人」的黑心富婆。只要這兩位加上叫中共炒香港一鑊的劉蛇，三條毒舌發功，明年立會，建制攬炒一鑊熟，未必冇機。新臉孔做區務，不放棄一條街一條巷，勇和聯隊，打一場我們的世界盃。（熄機啦兄弟，冇聽叫人含淚唔投或者投廢票、口臭過689溝二噁英的網台！）