區選剛剛過去，人稱「哪吒」嘅方國珊彷彿神功護體，再度成功連任西貢區區議員，但一覺醒來就破功，債主入稟高院申請哪吒破產！定啲嚟，哪吒同八方講，已經申請咗暫緩執行賠償令，又揚言自己「選舉咁大風浪都可以留低」，仲話有街坊眾籌畀佢打官司喎。
事緣哪吒被指多年前同西貢大網仔地主合作建丁屋，由佢出面「套丁」。點知地主轉個頭話哪吒建屋進度未如合約規定，加上套丁犯法，入稟要求收地兼索償。今年7月法院裁定哪吒敗訴，要向地主賠償82萬元。
至噚日，債主關雄盛以地主何淑明嘅遺產執行人身份入稟追數，一旦哪吒被頒佈破產令，就要向議席講byebye，睇嚟八方都要擔定凳仔。