離開美職聯後屬自由身嘅瑞典球星伊巴謙莫域，星期二突然喺ig疑似向外界透露，自己已決定回國效力哈馬比。伊巴喺ig上載短片，而短片內係哈馬比嘅白綠間波衫，然後再展示波衫背後印咗佢個名（圖），片尾仲有哈馬比嘅會徽，而伊巴除tag咗哈馬比嘅ig賬戶就冇寫其他嘢；睇番哈馬比嘅ig同官網，都冇任何伊巴加盟嘅報道，認真耐人尋味。