周柏豪前晚在電視城宣傳新劇，提到他7月因呼籲登記做選民，被內地網民解讀成港獨，其後一度清空Ig，周柏豪本月中轉發習近平的「止暴制亂」表態，被香港網友炮轟，他無奈說：「玩社交網好攰㗎，喺合適時間咪用，都係玩啫，都係開心正常工作，開心生活。」
問到未來會否小心帖文？周柏豪說︰「其實一直都謹慎，但我嘅謹慎同價值觀未必代表所有人，會繼續努力做好自己，最緊要自己舒服。」至於網民的留言，周柏豪指沒特別去看，但當然知道發生甚麼事：「冇辦法，呢個係我嘅立場，希望香港快啲回復本來有嘅寧靜。」他還說：「香港人唔鍾意暴力，自己都唔鍾意，暴力係情緒嘅抒發，我唔希望用暴力解決問題，希望香港所有人能夠平安，回復開心情緒。」
撰文︰祖李