曼聯家陣嘅波衫心口贊助商係雪佛龍，但雙方合作將喺20/21球季後結束，暫時未有迹象會續約。英國《太陽報》早前話，曼聯已同多間公司展開談判，包括中國嘅海爾集團，但海爾之後發聲明澄清，否認同曼聯接觸，都冇簽任何協議。曼聯個心口會點就唔知，但蘇斯克查星期一同活華特出席慈善晚宴，佢哋兩個仲有講有笑，似釋除蘇B被炒疑慮。