光頭警長劉澤基前日喺大陸微博發文，不滿民主派喺區選有六成選票，叫北京制裁香港人，結果俾網民狂轟，點知佢仲唔收手，噚日又喺微博發文，質疑廢票率達57%，仲引用所謂「官方票數」得1,253,647，但投票人數有2,943,842，咁「160萬票去了哪？」
不過fb專頁「求驗傳媒」好快踢爆佢，原來佢貼出嚟用Excel計嘅「官方票數」，有好多加咗*，而有*嘅數據，Excel係唔會加入總和，所以人人計到293萬，得佢話125萬！仲要勞煩政府出稿，澄清佢話有160萬廢票失實，所以有網民話，唔讀書唔識用電腦就去做差人，真係冇講錯。