【西貢市中心】
【本報訊】民意大爆發下，多區建制「大佬」墮馬，包括盤踞西貢區議會廿多年的原主席吳仕福，他意外被政治素人「西貢鄉民」梁衍忻逐出議會。有部份梁衍忻的競選義工是西貢原居民，他們對鄉事派作風看不過眼，外人以為西貢鄉郊深藍，實情卻是「大部份人都有良知，出去發夢唔周圍同人講啫」。
原居民義工撐到底
面對自1999年已擔任西貢區區議員的吳仕福，梁衍忻事前僅有一半勝算。結果她得2,550票，吳仕福得2,137票，中斷對手的議會生涯。她對結果感意外：「呢區係藍得好出面，黃得好低調；而且年輕人少，早出晚歸，唔係咁易接觸到，所以都估計唔到有幾多黃票。」正職是大學職員的梁衍忻，深感每一票都得來不易。在社區鄰里關係密切的西貢，即使有街坊想支持她，也不敢為她站台拉票，「佢哋network太強，唔想俾人見到，驚傳返屋企，令屋企人擔心」。她找不到街坊助選，只能找朋友或其他區的人來幫一把。其團隊助選義工Candice是西貢原居民，一直對財雄勢大的西貢鄉事派不大滿意，「一個中秋晚會可以用60幾萬，又唔知用幾多千萬去維修碼頭……好多嘢都私相授受。」即使沉默如她，Candice也終於決定要站起來，希望能改變自己的社區。「由2014年到𠵱家，睇住政府同權貴對香港人幾咁唔不公平，我哋要盡返自己嘅責任，維護返香港人嘅尊嚴。冇人知會唔會贏，但既然已經醒覺，有機會就要把握。」即使只是一個區選議席，Candice和一眾義工也落力走遍西貢百多條小村，為梁衍忻宣傳，希望能以選票改變西貢，甚至是整個香港。
自反送中運動開展以來開放店面作西貢連儂牆的食肆Let's Jam老闆葉卓謙，亦擔任梁衍忻的競選義工。同為西貢原居民的他也一直對吳仕福等鄉事派看不過眼：「民生議題相對都係偽命題，吳仕福嗰啲都係老屎忽，有個新人出嚟選，why not？」對於梁衍忻在西貢市中心當選，他雖感意外，卻又認為有迹可尋：「西貢雖然係平行時空，但大部份人都有良知，出去發夢唔周圍同人講箒。」即使成功打大佬，梁衍忻和其團隊也不敢得意忘形。梁說：「選舉結果公佈後都冇點慶祝，我哋五分鐘唔夠就即刻上車離開西貢，擔心對方唔知有咩情緒。」
■記者陳芷昕