【拆局】區議會選舉結果昨日出爐，民主派在選舉大獲全勝，有政界中人直言，即使北京，港府也未預計建制輸得如此慘烈，「同亡咗個黨冇乜分別」，今次結果不但重創建制，同時對北京止暴制亂打了一記重重悶棍，「今次選舉結果令北京啞咗，以後仲點講止暴制亂有香港主流民意支持？北京仲點落台？」
「主流支持」屬謊言
有政界中人直言，建制慘敗到連100個區議會議席也沒有、連過半席位也不保，北京從未想過，「之前仲有中間人話，西環同建制派話可以保到一半議席，最多都係輸幾個區議會，冇人估到輸到咁大鑊」。他指令北京最尷尬之處，是北京一直指止暴制亂有主流民意支持，支持反送中只是少數亂港人士，「但𠵱家撐反送中民主派拎成八成幾議席，等同打北京一巴，主流民意支持止暴制亂根本係大話」。
至於建制派聲稱仍有四成民意支持他們，反映止暴制亂有民意支持，該民主派笑言這個說法自暴其短，「四成民意支持止暴制亂，即係六成民意唔支持，如果北京用呢個說法拆彈，等於接受香港主流民意反對北京止暴制亂政策，咁即係要北京正面與主流民意為敵？所以北京官方先索性避開講選舉結果」。
■記者莫劍弦