林德信在《獅子山上》飾演包山王黎志偉，他接受專訪時自言自少父母離異，成長時多與母親吳正元生活，跟父親林子祥（阿Lam）的關係不算親近，但近日卻和阿Lam話題越來越多，他說：「可能講嘅問題開始接近佢嘅境界，多咗好多channel。今次我專登包咗兩場《獅子山上》畀爹哋、媽咪睇。其實自從有呢個project之後，佢哋已經成日問『幾時出？咁耐嘅？』」
林德信笑言過往是母親問居多，近日爹哋都有問︰「可能好似你咁講，想問又唔敢問。不過我知佢睇晒我嘅戲，喺佢facebook睇到佢貼咗同朋友睇戲嘅相。《拾芳》、同詩雅套《雙魂》、賀歲片《玩轉全家福》都會睇喎，係好忠實嘅林德信fans，爹哋係要保持好cool。」