【財經專訪】「齋坐、齋企、開齋，所有關於齋嘅形容都係negative㗎。人哋創業係由零開始，我就係由負開始。」社企Green Monday主力做素食生意，聯合創辦人David楊大偉（圖）還要在開新店時，遇上反修例風波；雖然店舖營業額近來下跌10%，但Daivd很樂觀，笑指相對同行，生意已經沒有那麼「傷」。
記者：張雅琳
楊大偉叔叔是「褲王」楊釗、父親楊洪是旭日集團（393）聯合創辦人。David的生意，由最初鼓勵大家每周一日素食開始；後來他開設集合超市及餐廳於一身的綠色素食生活館Green Common，再成立創投基金Green Monday Ventures，主力投資跟綠色及食品科技相關的初創企業。
開創市場過程艱難
此路走來並不容易，David表示，「公司2012年成立，當時完全沒有市場，打電話畀啲超市，9秒9就cut線，或者直接唔聽電話、拒絕見面。好少少嘅，畀一個月上架時間我哋，唔掂就即刻落架」。當初人造肉還不是投資市場的熱門議題，若僅靠自己改變社會文化，又要開創市場，過程十分艱難。但更令他失望是政府「零support」，「新加坡政府會好支持、好歡迎我去嗰邊宣傳、推廣，甚至會資助我哋，我哋個政府？乜都冇」。
現時Green Common有六間分店，有售賣自家產品新豬肉OmniPork，亦代理另一人造肉品牌beyond meat，以及人造奶及植物蛋等。現時人造肉、植物肉大熱，首富李嘉誠亦有投資Impossible Food；記者試食後感覺該產品味道、質感及香氣，均似真的免治豬肉。
Omnipork配方主要來自豌豆、非基因改造大豆、冬菇和米。David說：「亞洲人本身就喜歡肉碎包餃子，我哋會以香港為基地拓展。」David指亞洲尚未開發，並會繼續在新加坡、台灣、中國及泰國引入多個品牌。
轟政府不正視怨氣
David現時面對的挑戰，是近在咫尺的社會運動。他與很多年輕人一樣，有自己的想法；有時樓下𤀹霧彌漫，他被迫提早關門，甚至無法開門。加上遊客少了，尖沙嘴地區以及周末生意慘淡；但David並不生氣，而是想處理問題，「7、8月咁熱，點解要出嚟？啲問題積咗好耐冇解決」。他認為社會出現撕裂是不好的，要尋求一個解決方法，「點解社會有怨氣？政府一直冇正視社會問題，而且距離政府願意去正視仲有一段距離」。