陳潔靈與李幸倪（Gin Lee）前晚現身九龍灣，為ViuTV音樂節目《Chill Club》擔任嘉賓，Gin Lee鮮有露肩谷胸現身，陳潔靈笑說：「我哋一個七彩繽紛，一個性感誘人。」陳潔靈對Gin Lee歌聲有讚無彈：「佢就好似Vodka咁辣，我就係煮餸嗰啲米酒，見到佢啲歌好難唱，不過佢咬字好好聽，又性感。」陳潔靈又笑說：「我哋呢啲年紀着衫拉到上頸，都係阿姐，不過係遮住個『阿遮』，雖然𠵱家秋天，但我心境仲喺夏天。」
此外，Gin Lee透露在《全民造星II》擔任嘉賓評判，她笑說：「有人話覺得我好惡，其實我不嬲都唔鬧人，見到佢哋好唔認真，有啲激氣，為佢哋好。」陳潔靈體恤地說：「好鍾意你哋溝通方式，你似家姐，我就似阿媽。」
採訪：卓寶花
攝影：陳俊強