【沙田第一城】
【本報訊】沙田第一城昨日投票率一直領先，全日投票率逾八成，有近8,000選民投票。該區是公民黨新星黃文萱與新民黨老將黃嘉榮之爭，後者有「城主」之稱，是第一城業委會主席，又獲新界社團聯盟支持，已連任兩屆，上屆更自動當選。有居民不滿黃嘉榮只在區選時出現，平時「唔見人」。作為傳統中產住宅區，受訪居民最擔心自由受限制，不約而同說：「係時候改變。」
斥新民黨縱容警暴
昨日早上，第一城學校票站同樣有百米長龍，幾乎圍學校一周。63歲的退休人士吳小姐表示，選擇候選人會以民生及言論自由為先決考慮，但今年8月，黃嘉榮曾打算在第一城三座大廈大堂安裝備有人面識別的「保安智能門禁系統」，她十分反感：「我唔鍾意出入都被人見到，係對自由嘅限制！」上屆黃嘉榮自動當選，她直言「梗係唔鍾意自動當選，雖然我未必會投後生嗰個，但今次起碼選擇權喺我度」。
32歲全職爸爸曾先生居住在第一城數年，他看見屋苑管理不善，冷氣機漏水隨處可見，衞生環境惡劣，鼠患嚴重，管理員態度總是愛理不理，卻難以找到當區區議員黃嘉榮幫手。但他更不滿的是，「前排有防暴警入嚟，有乜理由當區區議員會影居民大頭相，仲會同防暴警握手咁『英勇』？」
22歲社工學生阿凱全家支持泛民，「佢（黃嘉榮） 唔係好聽到年輕人聲音，搞社區問題又唔係好對應到需要，都係時候改變」。
■記者陳詠恩