【將軍澳尚德】
【本報訊】正午時分，在將軍澳尚德邨票站輪候的街坊駱驛不絕，人龍打了約六、七個蛇餅，更一度由票站延伸至馬路上。同時，早已投票的街坊仍然聚集票站出入口附近，自發擔任糾察，尚德邨居民蘇先生是其中一人，早上8時半已下樓排隊投票的他，排了超過一個小時才成功投票。
21歲、從事零售業的蘇先生是「首投族」。以往跟隨家人下樓投票的他，記得尚德邨過往從未出現昨日的盛況，「只係見到稀疏人流，投完票大家就走，但今次見到係打晒蛇餅」。在尚德邨長大的他，形容這條邨、甚至整個將軍澳，是一個隔絕孤島，「佔中、魚蛋（革命）時，出面幾熱烈都好，尚德呢度都係冇咩人理」。
居民開窗大叫「起身投票」
但一切，因科大生周梓樂去世而改變，「我哋喺度住咁耐，跌落嚟個位導致咁樣程度嘅重創，係一件非常可疑嘅事」。事發後，街坊紛紛聚集到案發現場幫忙蒐證，希望能為他的死討回公道。尚德邨其後更變了戰場，示威者在多個晚上，聚集在尚德邨巴士站對開的十字路口設置路障，引來防暴警員不斷在區內施放催淚彈。
本來對政治漠不關心的街坊因此醒覺，「唔理幾夜都好，好多街坊都會落樓睇吓，睇吓示威者係咪真係好似人哋講咁暴力。」區選前，投票變成街坊之間話題。每逢來到尚德停車場獻花，街坊就互相提醒：「記得24號要投票。」就連昨晨，也有人打開窗大叫：「起身投票啦！」
尚德邨由工聯會控制多年，區內多年存在非法賭檔和鼠患等問題一直未有顯著改善，在此長大的他，本來也對此置之不理，「你已經麻木咗，唔會期望區議員可以幫到你」。但今次，他選擇擔任當區2號候選人、將軍澳民生關注組李喜睿的選舉義工，幫忙派發文宣、佈置街站。「我諗工聯會有幾臭名遠播，大家都應該好清楚。如果區議員咁耐都解決唔到呢啲社區問題，係咪應該由一個新嘅區議員用一個新嘅方式改變呢？」他只單純希望自己的社區能變得更好，「唔想外界嘅人覺得呢到烏煙瘴氣。」
■記者陳芷昕