【本報訊】《蘋果》昨接獲投訴，在祖堯選區的香港四邑商工總會陳南昌紀念中學（圖）票站，容許選民家人陪伴長者進入票站投票，甚至給予非該區選民的子女一張選票，票站職員被批評「離晒大譜」。
轟票站處事兒戲
非該選區選民的陸小姐陪伴90歲持枴杖母親投票，在票站外詢問職員如何協助其母投票，「媽媽試過中風，行得好慢，我expect去到最前面（票站外）交畀票站職員，應該會有人照顧佢」。當她與母親抵達後，她問工作人員：「傷殘有枴杖係咪都要排隊？」職員着她行一條特快隊，「啲工作人員掛住傾偈冇理我哋，問都唔使問就畀我入咗去」。
兩人進入票站後，一名持工作證人士問其母：「你係咪唔方便呀？你坐喺度。」着陸小姐拿其母身份證索取選票，職員竟向陸說：「呢張係你嘅票嚟㗎喇，（票站職員）冇問我咩名，亦都冇睇我嗰樣，乜都唔睇。我就60幾歲，媽媽90歲，我望落一啲都唔似90歲，佢當我係（我媽媽），同我講呢張係你嘅票。」
她直斥票站混亂，因讓母親自行投票時，才有職員向她表示原來她不可進入票站，批評票站處事兒戲，「離晒大譜，以為去咗第三世界投票呀！幾個step就可以帶老人家入去，我扮老人都得，走時有十個八個老人家入去」，更擔心有人帶長者入票站投票，甚至「幫佢哋投埋」。
選舉事務處回覆稱，一些人如在平日生活上需協助，其他人可陪同前往投票站，但強調投票與否和投票意向屬個人選擇。選民到達投票站後，應到發票櫃枱向工作人員出示身份證正本或指定替代文件以申領選票，並得到投票站主任或投票站工作人員接納，才可獲發選票。
發票櫃枱當值的工作人員須核對選民於身份證及正式選民登記冊文本上的姓名及身份證號碼，並經另一名工作人員重複核對有關資料後，在正式選民登記冊文本上劃去有關的記項。
■記者陳珏明