【八鄉南】
【本報訊】一個「是」字，令被視為本土自決派、曾被拒入閘參選鄉郊選舉的朱凱廸於區選避過被選舉主任DQ，入閘於元朗八鄉南挑戰鄉事派。朱凱廸昨直言未怕輸，認為輸不是問題，問題是民主派要持續參選，他認為：「鄉郊選民投票唔係投政綱，係投關係，通常係同自己有親屬、宗族關係，投畀自己人。我想打破呢個stereotype。」
岑敖暉荃灣海濱陷苦戰
八鄉南對於朱凱廸而言，就似整個新界鄉郊的寫照，「呢個區有好多好好嘅環境，有好好嘅條件去發展自己嘅農業，不過同時間又要面對好多發展嘅壓力、好多破壞。對我嚟講，爭取喺呢區做區議員，就係講緊喺新界搵到主流聲音，去保護新界鄉郊同可持續發展嘅方向」。
對於贏輸與否，朱凱廸看得豁達開朗，認為決定權在選民身上，倘若「唔好彩」落敗，證明自己未被選民信賴，「特別係原居民社群，相信一個唔係原居民嘅人做呢區嘅區議員，我諗要好多心理上嘅突破」。
學聯前副秘書長岑敖暉今屆以朱凱廸新西團隊名義參選荃灣海濱選區，由於主要對手鄒秉恬連續28年當選，他稱難評勝算，直指：「對手勁咁多，好多街坊都話過打唔贏，所以希望投我一票嘅市民都同我奮鬥到底。」
由於該區尚有報稱獨立、實為民建聯陳恆鑌前助理的莫遠君參選，未知建制分票下，岑能否漁人得利。
■記者沈彥恒