【區選激戰】
【本報訊】警暴問題激發選民出來投票，有紀律部隊宿舍座落選區的選民表示，警方濫暴濫權已非個別事件，「簡直係變態冇人性」，希望以選票向政府表明港人追求民主的決心，要求成立獨立調查委員會調查警暴。即使民主派勝出機會微，選民仍堅持一早到票站投票，「如果唔出嚟投就更加冇可能」。記者：趙雅婷 張文鈴
黃大仙龍趣選區內有黃大仙紀律部隊宿舍，今屆有民主動力莊鼎威與競逐連任的九龍社團聯會李東江角逐當區區議會議席。25歲任職護士的梁小姐表示，區內有較多長者，以往均由建制派包攬議席，對於民主派候選人勝出無太大信心，但她仍一早到票站投票，「如果唔出嚟投就更加冇可能」。她透露，其父親是退休警察，又形容他是「深藍」，在家中為求和諧而避談政治。她從小到大都認為父親是個有使命感的人，幫助過很多人，但近月來持續的警暴顛覆了她心目中警察的形象。
選民斥警「變態冇人性」
梁小姐批評警察過去5個月來處理示威活動手法過火，「喺民居附近掟催淚彈，我真係勁嬲……阿爸話佢哋（警察）只係打份工，但點解要係咁打啲人？」她指出，近月社會示威不斷，社區亦形成對立，「變到好似戰場，（警察）變到神憎鬼厭」，期望政府盡快成立獨立調查委員會。
30歲從事廣告界的林先生指，雖然區議會一票的力量微小，但希望以手中一票表達對五大訴求的決心。他對民主派勝出的信心不大，但認為「最重要係我哋都有出嚟投票」。對於近月社會衝突不斷，他批評警方濫權濫暴，「簡直係變態冇人性」，而特首林鄭月娥卻對問題視而不見，令他很憤怒。他稱，有建制派呼籲選民投票是為「止亂制暴」，但認為可以停止社會混亂不是市民而是政府，「唔該佢（政府）直接回應五大訴求」。
鍾小姐批評警方濫暴已非個別事件，而是大規模發生的事，這是完全不可接受，「佢哋只係發洩，唔係執法」。她昨日一早就到票站投票，「因為唔想辜負前線，如果唔係我良心過意唔去」，即使民主派候選人未能勝出，仍希望「要喺投票比數嗰度反映我哋嘅聲音」，並要求政府盡快成立獨立調查委員會和林鄭下台。
「政府令示威者同藍絲互憎」
另外，秀茂坪紀律部隊宿舍坐落在觀塘樂華南選區，今屆蘇冠聰競逐連任，與工聯會李嘉恒再次對壘。從事運輸業的周先生表示，今年的社會問題促使他出來投票，「政府好似乜都唔做，所以投啲區議員出嚟幫吓市民」。
他自言對政治並不認識，認為任何暴力都不正確，政府需聆聽市民聲音，「政府好似想搞到示威者同藍絲都好憎大家，所以呢刻乜都唔做住，令佢哋打餐飽，先出嚟收返殘局」。他指自己以往甚少留意時事政治，「𠵱家唔去到你唔留意」，對於警方濫暴問題，直言會選擇支持成立獨立調查委員會的候選人。
