【區選激戰】
【太古城】
【本報訊】食過催淚彈的社區，會否有改變？形象中產、生活平靜的太古城社區一向被視為「葉劉票倉」，選舉日，不過早上9時許，票站已經大排長龍，目測有近百人。謝先生為票投太古東候選人王振星，以及屬意太古西趙家賢的陳小姐，排了一小時，才能投出一票。投票盛況空前，是陳小姐居住太古城20年來罕見；謝先生說，投票是應有之責，「和理非連區選都唔好做，不如留喺屋企」。
記者︰鄭祉愉
太古城一向平靜如水，自6月以來，最初社區因連儂牆泛起漣漪。除了英皇道電車路上一堵連儂牆，陳小姐記得，7月時，趙家賢的選舉橫額一度成為連儂牆，曇花一現，黏有一張張便利貼，她寫了「五大訴求，缺一不可」，不過很快被清除。其對手經民聯的丁煌，被拍得片段，一邊大叫「太古西，不要連儂牆」，一邊騷擾一名女途人，陳小姐已覺荒謬，「冇諗過佢仲敢出嚟選」。
8.11太古，防暴在康怡出口發射胡椒球槍後，謝先生到了太古站內，本打算聲援，已嗅到一陣濃烈刺鼻的臭味。其後他連續兩晚到站內抗議，還想與警察交涉，王振星亦在場談判。結果，花了四五天，終順利要求完全清洗氣味。
自10月23日，防暴警首次闖入太古城施放催淚彈，他已覺難以置信。11月3日，趙家賢受襲當日，他看到電視新聞，即下樓聲援。他形容持有調解員牌照的趙家賢「心口有個勇字」，「我會以前覺得區議員唔好搞咁多嘢，唔好咁Political，但係呢件事之後，真係覺得當仁不讓。」
「幾代人都好嬲警察」
謝先生趕到時，趙家賢已上了救護車，他萬萬想不到警察會「發爛渣」，上車後丟催淚彈，他身體起反應，手上出現紅點，更肚屙。他是兩子之父，擔心影響家人，更將衣服加入梳打粉，分開清洗。他說，連月區內警暴，令一度喜歡警察卡通角色的兒子也不再喜歡警察，在校內，《肥媽有話兒》一曲更是人人琅琅上口，「幾代人都好嬲警察」。
兇徒仍居住太古城，亦是鄰里，而警察兩次洩憤式丟催淚彈，亦令陳小姐不敢置信：「你唔會相信在太古城，一個超級和理非，中產的區，會發生咁暴力、血腥嘅事，而係冇警察維持治安，甚至政權縱容佢哋製造咁不合理嘅事。」
警察圍攻理大後，她積累的恐懼一次過爆發。一晚，從未吸過催淚煙的她，夢見防暴在身後追趕，她在街上跑，耳邊一陣陣叫聲：「小心！前面有催淚煙！」轉眼場景閃回家中，卻仍聽見大聲疾呼：「快啲閂窗啊！放催淚彈啊！」
陳小姐覺得這一區半藍半黃，藍的已經「上咗岸，根本唔care」。近月，因警暴，陳小姐少了出去遊行，無力感蔓延。從事會計師的她，除了思考罷工，便透過捐款給各間機構，包括攬炒團隊、眾志、星火同盟等，達五位數字，至少必須投票。
社區吹起改變之風，在太古城商場唱《榮光》，唱得謝先生熱淚盈眶。他是遊行常客，連月抗爭，令他進化成深黃，而亦有中立的街坊轉投黃營。「點都償還唔到人哋的血，我哋捐咗咁多命，有咁多人受傷，被捕，點樣都還唔到，只不過盡責任，唔好諗住償乜嘢，兄弟爬山各自努力就係咁解，和理非連區選都唔好做，不如留喺屋企。」