【本報訊】警暴危害社區，本月初將軍澳尚德邨警察濫放催淚彈驅散居民，最終疑導致科大學生周梓樂墮樓傷重不治。當晚最先到事發現場的街坊Ricky事後一直協助追尋意外真相，雖然他要分身全力支持近期抗爭運動，忙得連候選人背景也沒時間了解，但今天區選仍是一件一定要做的事。
斥警暴導致民不聊生
Ricky指6月前不關心政治，但6.12去過金鐘，身處救護站附近就被催淚彈擊中，「當時我就認定要抗爭，個政府唔啱，點可以對自己人民咁？」近期因為周同學事件以及在社區抗爭現場更多接觸區選候選人，他形容對方「都係手足嚟」，「佢哋（區議員）心態改變咗，雖然可以做嘅嘢唔多，對佢哋唔會太大期望，但佢哋起碼用自己位置做可以做嘅事」。
Ricky又指出，將軍澳區地理環境特殊，令他對警暴問題有另一番體會，「好幾次港鐵被警察要求停駛，街坊就會特別嬲」，因為當港鐵不提供服務，即令整個社區幾乎淪為孤島，嚴重影響街坊生活，至於警方多次向住宅範圍狂射催淚彈，「將軍澳唔會有勇武前線囉，佢哋出晒走啦，咁警察做乜要咁打啲邨？係咪我哋唔撐警就要俾警察打得甘啲？」他批評警暴問題導致民不聊生。
但Ricky不諱言，就算民主派在區選大勝，未來形勢仍悲觀，惟雖然如此，他仍提醒市民一定要投票，「大家點解一直抗爭？唔係因為會贏，由6.12到今日有贏過咩？但我哋只要仲有一口氣，只要有方法，都要做盡佢」。所以，就算投票表態只換來精神上的勝利，在今日極黑暗的香港，意義已經非常大。
■記者陳珏明