楊明日前被《蘋果》讀者發現駕車駛經觀塘時，因逆權運動受到示威者在多區堵路及快閃集會表達訴求下，導致交通受阻，他落車清理路障期間，有網民誤以為他幫手堵路。楊明前晚和女友莊思明到尖沙嘴，出席魔術師甄澤權榮獲十大傑出青年的晚宴，回應清理路障一事，他說：「我當日係清路障，諗住返觀塘office，但好塞車，塞咗45分鐘，我見到前面被雜物塞住，交通受影響所以就清走雜物。」
對網民誤認為幫手堵路，楊明直言：「我梗係清嗰個啦，冇人幫手真係唔知塞幾耐，自己做到咪做囉。」若下次再見到堵路，他坦言會出手清路障，亦希望事件可以盡快平息。楊明直認有份投資的燉湯店生意受影響，原定計劃開分店亦要暫時擱置。
何雁詩盼平安
同場的何雁詩以大deep V連身褲現身，她和男友鄭俊弘早前先後生日，問到願望是否結婚？她笑說：「呢啲嘢正常遲早都會有，反而好希望大家出入平安，安安全全，𠵱家竟然係最重要嘅一件事。」甄澤權表示獲獎後會多做慈善及公益活動回饋社會。
採訪：曹家誠
攝影：陳俊強