過去兩星期，中大和理大一幕幕驚心動魄的逃命畫面，手足奮不顧身反包圍營救，無不令香港人痛心。「應唔應該死守，我都仲尋覓緊個答案。或者應該死守香港呢個家，但唔係死守邊一個區，如果我唔死守，我一早移咗民啦」。勇敢公開揭露遭受警察性侵犯的中大女生吳傲雪（Sonia）說，區選在即，她最怕選舉突然叫停或關票站，「有一班手足當香港係屋企，所以會想由地區工作做起，我怕佢哋嘅付出會徒勞無功」。
中大保衞戰，起初一方有難八方支援，到意見分歧，三名示威者以停止堵塞吐露港作交易，換取政府如期舉行區選。最後有示威者不滿紛紛退守。Sonia看到這四天群眾運動的變化，她不認同三名示威者對區選的訴求，但也不認同死守。
有班手足想由地區做起，去得到更充裕資源，因為冇資源呢場運動唔可以延續。
「四個字令我好反感：血債票償，尤其係我哋已經有咁多手足犧牲咗性命。」Sonia自言不是政治人物，意見僅代表一般民眾。有朋友參加今屆區選，Sonia起初大惑不解：「你唔係反對個制度咩？點解又要重投個制度？」朋友回覆她三個原因：資源，未來可聘請手足工作；探監權利；及（特首）選委席位。她說最怕選舉不公，會分薄資源和人力，「我最怕突然叫停或者閂票站，咁佢哋嘅付出就徒勞無功。」
「區選可能係呢個運動其中一條戰線，有一班手足，佢哋當香港係屋企，想由地區工作開始做起，去得到更充裕資源，因為冇資源其實呢場運動唔可以延續。我會話我尊重，同埋講返句兄弟爬山，各自努力，我唔會割席。」Sonia說。
■記者程詩敏