【區選要人】
【本報訊】兩件事件，改寫屯門、元朗偏安一隅的政治格局。7.21恐襲之殤，即使四個月過去，有受害人直言做不到張建宗式「向前看」，要視為政治覺醒銘記一生；上月屯門發生懷疑催淚氣洩漏，居民表達不滿，卻換來蒙面警闖入私人屋苑，迫令住客像戰俘一樣跪下，甚至以非法集結罪拘捕街坊。當居民遇上警暴警謊最需要援手時，建制議員卻潛水，居民直言今次區選「睇清邊啲人要一票不投」，他們選擇候選人標準亦很簡單，「邊個支持徹查7.21就投邊個」。
記者：歐陽聯發
任職廚師的蘇先生在7.21晚上遭十多名白衣人圍毆，恐襲事件成為他今屆投票指標。背上傷痕和怒火已淡去，但提起元朗區議會否決調查7.21又氣上心頭，「全個元朗都想查7.21發生乜事，班建制想當冇事發生？」一份報告一個交代，解釋當晚「無警時分」，「張建宗話要向前望唔好糾纏，咁學生暴動掟汽油彈係咪可以唔好糾纏唔好告？」他相信對很多新界人來說，7.21是一個政治覺醒，「不時拎出嚟提自己，政治隨時會燒到埋身」。
事發四個月 受害者仍未認人
恐襲發生四個月，只有六個人被控暴動，蘇先生說數字可笑，「你喺理大蒙晒面都拉咗千幾人，仲即刻告，有乜理由7.21露晒樣拉唔到？」直至今日，警方仍沒有安排他做認人，「你叫我認人𠵱家都難咗！」看到近月的警暴畫面他認為很諷刺，「點解嗰日兩個警察可以掉頭走？唔開槍打班白衫？理大我唔想你出現又圍城？」他明白元朗難以一下翻盤，但投票給非建制起碼是向7.21真相走近一步。
屯門一帶上月28日被刺鼻氣體籠罩，居民懷疑氣體源自警方大興行動基地，數百名街坊示威，防暴警晚上武力驅散展開圍捕。張小姐住在基地對面的寶怡花園，她在平台看熱鬧，警方在無任何警告下突然爆發三下槍聲，有催淚彈射穿六樓一個單位的窗，「嗰度住咗三個老人家，一個入咗院到𠵱家都未出院」。
其後三十多個防暴警衝入寶怡花園平台，用警棍指嚇街坊不准動，張小姐被包圍，她說這是私人地方，防暴警大喝「關你乜事呀！𠵱家懷疑你掟汽油彈！拎身份證出嚟！」張小姐指樓上便是家為何要帶身份證，防暴警依然失控大罵「留喺度做乜嘢呀！返屋企啦！」張小姐回想時說，「好笑，呢度咪我屋企囉」。
翻看閉路電視，原來是防暴警自行撳密碼開閘，很多居民都覺得好恐怖，「點解密碼會洩漏咗出去？」「對警方完全失去信心，點解可以野蠻到咁，簡直係皇軍所為」。張小姐說遇上警暴時，當區的民建聯區議員陳文華卻潛水，不露面也不接電話，居民自生自滅，「睇清楚晒，嗰啲議員係為居民定為自己」。寶怡花園業主委員會日前收集到約1,400名居民聯署，投訴警方濫權。
防暴闖屯門屋苑 建制派潛水
鄰近基地的兆軒苑情況更差。馮小姐憶述上月30日晚街坊再到基地示威，她與家人正在回家，忽然聽到消息指防暴警闖入屋苑，她只好暫避至逸生閣。但居民來不及關門，蒙面防暴警衝入指嚇：「全部人唔好郁！」馮小姐記得防暴警將街坊和年輕人分隔開，似被當成戰俘，有青年被嚇怕，防暴警揶揄：「驚就唔好出嚟啦，做乜震晒呀」。馮小姐指胞姊懷孕，「問防暴可唔可以放行，佢居然問我哋拎水費單電費單，家姐好驚，用手機搵咗好耐，最終佢一眼都冇望過」。
她事後看閉路電視，知道大堂另一邊有大批街坊被迫跪下，有住客即使入了升降機也被防暴警強扯出來。馮小姐是首投族，她表示一票不投民建聯，因為「最危險嘅時候就唔知佢去咗邊」。屯門建生區另一參選人為教師羅佩麗。